Almaty-Ekaterınbor kúre jolynda jol apatynan Qyrǵyzstannyń 4 azamaty qaza tapty
ASTANA. QazAqparat - Jambyl oblysy aýmaǵynda Almaty-Ekaterınbor kúre jolynda bolǵan jol apatynda Qyrǵyzstannyń 4 azamaty qaza tapty, taǵy úsheýi aýrýhanaǵa jetkizildi.
Bul týraly KırTAG Qyrǵyzstan Tótenshe jaǵdaılar mınıstrligine silteme jasap habarlady.
7 tamyzda saǵat 6.40-ta Almaty-Ekaterınbor tas jolynan 405 shaqyrym jerde Astanadan Shymkentke bet alǵan Setra jolaýshylar kóligi men rýlinde Qyrǵyzstan azamaty Danııarbek Erqabaev bolǵan Toyota Ipsum soqtyǵysty.
Jolaýshylar avtobýsynyń júrgizýshisi qarsy jolaqqa shyǵyp ketip, ishinde Qyrǵyzstannyń 7 azamaty bar Toyota-men soqtyǵysqan.
Apat saldarynan Toyota kóliginiń júrgizýshisi 26 jastaǵy Danııarbek Erqabaev jáne úsh jolaýshy: 38 jastaǵy Gúlimqan Moldalıeva, 18 jastaǵy Islambek Jaanbaev jáne 1974 jyly týylǵan Gúlbaıra Atamyrzaeva oqıǵa ornynda qaza tapty.
Taǵy úsh jolaýshy - Ádilbek ýýlý Qanatbek, Aqjol Batyrqulov, Júsip kyzy Gúlzına Prıozersk qalasy aýrýhanasynyń jansaqtaý bólimine jatqyzyldy.
Setra avtobýsynyń júrgizýshisi men jolaýshylary zardap shekken joq.
