Almaty Djýzeppe Verdıdiń 200 jyldyǵyn halyqaralyq festıvalmen atap ótedi
ASTANA. 3 sáýir. QazAqparat - Almatyda 4-7 sáýir kúnderi Abaı atyndaǵy Qazaq memlekettik akademııalyq opera jáne balet teatrynda ıtalıandyq kompozıtor Djýzeppe Verdıdiń 200 jyldyǵyna arnalǵan halyqaralyq opera óneri festıvali ótedi.
Bul aýqymdy mádenı sharaǵa «Qazkommertsbank» pen Qazaqstan mýzyka qaıratkerleri odaǵy qoldaý kórsetýde.
Bul týraly «Qazkommertsbank» AQ baspasóz qyzmeti habarlady.
Tórt kún boıy teatr sahnasynda almatylyqtar men mádenı astana qonaqtary aldynda álemdik opera sahnasynyń sheberleri dırıjer -Krıstıan Sandý (Rýmynııa), tenor Dıego Kavadzın (Italııa), barıton Djanfranko Montrezor (Italııa), tenor Georgıı Onıanı (Germanııa), barıton Tamer Peker (Túrkııa), soprano Irına Iordacheský (Rýmynııa), bas Kırıll Borchanınov (Ózbekstan) óner kórsetedi.
Qazaqstannan bul óner merekesine halyqaralyq arenada tanylǵan dırıjer Alan Bóribaev, Abaı atyndaǵy Qazaq memlekettik akademııalyq opera jáne balet teatrynyń ánshileri Dına Hamzına, Jupar Ǵabdýllına, Gúlzat Dáýirbaeva, Bolat Esimhanov, Sara Eşanova, Beıbit Qojabaev jáne basqalary qatyspaq.
Verdıdiń operalary adamzattyń tamasha mádenı muralarynyń biri. Teatr sahnasynda Verdıdiń 5 operasynyń qoıylymdary ótýde.
«Álemdik mýzyka tarıhyna Djýzeppe Verdı operalyq ónerdiń reformatory, iri realıst-kompozıtor retinde endi. Verdıdiń ıdeıalyq-kórkemdik kemeldigi, shyǵarmashylyǵynyń gýmanıstik baǵyty onyń operalaryn búkil álemde tanymal etti. Bul festıval qazaqstandyq mádenıettiń mýzyka óneriniń uly klassıgine degen qurmetin kórsetedi», - dedi QR Mádenıet jáne aqparat mınıstri Muhtar Qul-Muhammed óziniń quttyqtaýynda.
Festıval aýqymynda álemdik óner sheberleriniń sheberlik sabaqtary ótedi. Festıval baǵdarlamasynda Verdıdiń eki tanymal shyǵarmasy «Travıata» jáne «Aıda» operalary, solısterge jáne orkestr men horǵa arnalǵan «Rekvıem» oryndalady. Festıval dástúrli gala-kontsertpen aıaqtalmaq.
