Almaty departamenti júrgizýshini urǵan polıtseılerge qatysty vıdeoǵa túsinik berdi
ALMATY. QazAqparat – Almaty polıtsııasy áleýmettik jelide taralǵan vıdeoǵa qatysty túsinik berdi, dep habarlaıdy QazAqparat tilshisi.
Búgin facebook qoldanýshysy Aıgúl Shákibaeva paraqshasynda polıtsııa qyzmekterleriniń kólik júrgizýshisin ustap alyp, uryp-soǵyp jatqanyn jazǵan bolatyn .
Bul vıdeo jeli qoldanýshylary arasynda qyzý pikir talas týdyrdy.
Beınekadrdaǵy is-áreketke qatysty polıtsııa túsinik berdi.
«Bul quqyqbuzýshylyq búgin Áýezov aýdanynda bolǵan. Sýbarý kóligi Saın kóshesimen ońtústikke kele jatyp polıtsııa postyndaǵy qyzmetkerlerdiń toqtaý týraly talabyna qulaq aspaǵan. Onymen qoımaı polıtsııa qyzmetkeriniń aıaǵyn basyp ketken. Júrgizýshiniń artynan qýǵynǵa túsken polıtsııa ony Abaı Altynsarın kósheleriniń qıylysynda ustady. 37 jastaǵy er adamnyń kóligin tintý kezinde qarý tabyldy. Qazir oǵan qatysty QR QK 379-babymen sotqa deıingi tergeý isi tirkeldi. Sonymen qatar, bul jigitten pyshaq tabyldy. Endi ustalǵan jigit qylmystyq jaýapkershilikke tartylady», - dedi qalalyq Polıtsııa departamentiniń resmı ókili Saltanat Ázirbek.
Onyń aıtýynsha, qazir polıtsııaǵa baǵynbaý jaıttary jıi kezdesip jatyr.
«Qyzmettik mindetin oryndaý kezinde polıtsııa qyzmetkerleriniń densaýlyǵyna zaqym keltirý nemese baǵynbaý qylmystyq jaýapkershilikke ákeletinin eskertkim keledi. TJ kezinde mundaı quqyqbuzýshylyqtar qylmystyq ahýaldy odan ári aýyrlata túsedi», - dedi S.Ázirbek.
