Almaty densaýlyq saqtaý basqarmasynyń basshysy qyzmetinen bosatyldy

ALMATY. QazAqparat - Almatyda Densaýlyq saqtaý basqarmasynyń basshysy Serikbol Mýsınov qyzmetinen bosatyldy, dep habarlaıdy QazAqparat tilshisi ákimdiktiń baspasóz qyzmetine silteme jasap. 

Serikbol Mýsınov qalalyq basqarmany byltyrǵy qarashadan beri basqaryp kelgen bolatyn.

S.Mýsınov qyzmet jolyn Shyǵys Qazaqstan oblysy Aıagóz aýdandyq aýrýhanasynda ıntern dáriger bolyp bastaǵan. 

Ár jyldary Semeı oblysy Densaýlyq saqtaý basqarmasynyń basshysy, Astana qalasy farmatsevtıkalyq baqylaý basqarmasynyń basshysy, Mańǵystaý oblysy densaýlyq saqtaý basqarmasynyń basshysy qyzmetterin atqarǵan.