Almaty densaýlyq basqarmasy medıtsına halatynyń jetispeıtini týraly aqparatty joqqa shyǵardy

Óńirlik kommýnıkatsııalar qyzmetiniń baspasóz konferentsııasy kezinde Almaty qalalyq Qoǵamdyq densaýlyq basqarmasynyń basshysy Narıman Tabynbaev megapolıstegi emhanalar men aýrýhanalardy modernızatsııalaý týraly aıtty.

«Biz emhanalar men statsıonarlarǵa kúndelikti monıtorıng júrgizemiz jeke qorǵanys quraldary men dári-dármekterdiń bolýyn tekseremiz. Bul halattar men qorǵanys quraldaryn jeke qarjyǵa satyp alý týraly aqparat jalǵan. Eger bul fakt rastalsa, men shyǵynnyń óteletinine kepildik beremin», - basqarma basshysy.

Sonymen qatar, ol sońǵy eki jylda jergilikti atqarýshy organdar koronavırýspen kúreske qomaqty qarjy bólgenin atap ótti.

«Ótken jyly 20 mlrd teńgege medıtsınalyq jabdyqtar satyp alyndy, onyń ishinde 2 MRT apparaty, 2 tomografııa, 250-den astam ÓJJ apparaty, 150-ge jýyq High flow apparaty, 17 medıtsınalyq mekemege medıtsınalyq gaz júıesi ornatyldy. Barlyq emhanalar zerthanalyq dıagnostıkalyq qondyrǵymen jabdyqtalǵan. Endoskopııalyq qondyrǵylar da satyp alyndy, óıtkeni olar koronavırýspen aýyratyn naýqastarǵa óte qajet. Qosymsha medıtsınalyq tósek-oryndar, monıtorlar, shprıtster jáne naýqastardy emdeýge qajetti barlyq zattar alyndy», - dedi Narıman Tabynbaev.

Budan bólek, jedel járdem qyzmeti men perzenthanalardyń materıaldyq-tehnıkalyq bazasy nyǵaıtyldy. Jedel medıtsınalyq kómek pen dıagnostıkaǵa 130 jańa kólik satyp alyndy. Almatydaǵy ınfektsııalyq aýrýhanalardyń jabdyqtalýy 98%-dy quraıdy.

Sondaı -aq, qoǵamdyq densaýlyq saqtaý basqarmasynyń basshysy jergilikti atqarýshy organdar tegin paıdalanýǵa bergen juqpaly aýrýlar aýrýhanalarynyń jetkilikti jabdyqtalǵanyn tilge tıek etti.

«Biz ınfektsııalyq statsıonarlar retinde pedagogıkalyq kolledjdiń jańa jataqhanasyn, S. Asfendııarov atyndaǵy medıtsınalyq ýnıversıtettiń jataqhanasyn, sondaı-aq «Halyq arena» ǵımaratyn paıdalanamyz», - dedi spıker.