Almaty densaýlyq basqarmasy qosymsha 40 myń doza «Tamıflıý» preparatyn satyp aldy

Bul týraly arnaıy baspasóz májilisinde qalalyq densaýlyq saqtaý basqarmasynyń basshysy Erkin Dúrimbetov málim etti, dep habarlaıdy QazAqparat.

Qosymsha dáriler qala ákiminiń rezervtegi qoryna satyp alynǵan. Qazir ol preparattardyń ákelinýi kútilýde.  «Epıdemııa týyndaǵan jaıdaıda, bizdiń respýblıkalyq qorda - 1 myń qosymsha doza mólsheri bar. Búgingi kúni biz 100 doza mólsherin qalalyq balalar jáne úlkender emdeletin ınfektsııalyq aýrýhanalarǵa bólip berdik. Sonymen qatar, biz  medıtsınalyq mekeme qyzmetkerlerine 10 myń bet perdeler satyp aldyq. Sondaı-aq bizde sanıtarlyq-epıdemıologııalyq júıeni tolyq kóleminde ustap turýǵa arnalǵan,  úsh myń lıtr shamasynda zalalsyzdandyrý  quraldary da bar», dedi basqarma basshysy.

Maýsymdyq epıdemııa kezinde Almaty qalasynda jylyna JRVI-men aýyratyndardyń sany 170-ten 190-ǵa deıin jetedi eken. Bıylǵy jyldyń sońǵy 9 aıynda - 119 aýyrǵan  adam tirkelgen.  Búgingi kúni 66 056 adam JRVI-ge qarsy vaktsına alǵan. Onyń 25 292-i 14 jasqa deıingi balalar. Bıýdjet esebinen 70 myń adamdy egý kútilýde. Qalada 10-nan asa jeke menshik medıtsınalyq ortalyqtarda egýge arnalǵan arnaıy bólmeler jumys isteıdi.