Almaty demalýǵa yńǵaıly qalalardyń alǵashqy úshtigine endi
ALMATY. QazAqparat - Reseılik sarapshylar TMD aımaǵyndaǵy jańa jyldyq demalysqa eń yńǵaıly qalalardy atady. Bul úshtikke Almaty qalasy kirdi, dep habarlaıdy QazAqparat tilshisi.
Tvil.ru baspana brondaý servısiniń habarlaýynsha, TMD elderiniń qaı qalalaryna orystar jıi barǵanyn anyqtady.
Reıtıng 30 jeltoqsan - 8 qańtar aralyǵyndaǵy suranysqa oraı jasaldy. Nátıjesinde Almaty suranysqa ıe qalalardyń 3-tigine endi.
Sondaı-aq, bul tizimde Mınsk, Baký,Tbılısı, Erevan bar. Reseılikterdiń kóbi Almatydaǵy Shymbulaq kýrortyna demalýdy jón sanaıdy.
Baký qalasynda reseılikter 4 kúnge, Mınsk qalasynda - 3-5 kúnge, Tbılısı qalasynda - 3-5 kúnge, Erevan qalasynda - 3 kúnge, Almatyda 6 kúnge toqtaǵan.
