Almaty dárihanalarynda maska jetkilikti
ALMATY. QazAqparat – Almaty dárihanalarynda maska jetkilikti, kún saıyn monıtorıng júrgizilip otyrady. Bul týraly Almaty qalasy Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymova brıfıng barysynda aıtty, dep habarlaıdy QazAqparat tilshisi.
«Kelisim boıynsha óndirýshiler 70 dárihanaǵa jetkilikti deńgeıde ári qoljetimdi baǵada maska jetkizip jatyr. Keshe bul dárihanalarda 144 myń maska bolsa, búgin 250 myńǵa jýyq. Kelisim boıynsha bir adamǵa on danadan artyq berilmeıdi jáne úsh qabatty medıtsınalyq maska – 87, fıltri bary 111 teńgeden aspaýy kerek. Bul respýblıka boıynsha eń tómengi baǵa. Qalada maska jetkilikti», - deıdi Aızat Moldaqasymova.
Sondaı-aq ol arnaıy organdarmen tárkilengen maskalar da medıtsına mekemeleri men dárihanalarǵa jetkizilgenin aıtty.
