Almaty dárihanalarynda eń qajetti dári-dármektiń balamasy paıda boldy
ALMATY. QazAqparat – Almaty naryǵyndaǵy dári-dármek tapshylyǵyna qatysty suraqqa onlaın brıfıng barysynda «Almaty Finance» JShS Basqarma tóraǵasy Tımýr Haırov jaýap berdi, dep habarlaıdy QazAqparat tilshisi.
Sońǵy kezde almatylyqtar qala dárihanalarynda keıbir dári-dármekterdiń joǵalyp ketýine baılanysty shaǵymdana bastady. Onyń ishinde pandemııa bastalǵaly suranysqa ıe dári-dármek te bar. Mysaly, bul júrek-qan tamyrlary aýrýlaryna arnalǵan dári. Spıker búgingi tańda qala dárihanalarynda sol preparattar sııaqty birdeı áser etetin almastyrǵyshtardy satyp alýǵa bolatynyn aıtty.
«Dári-dármekter tiziminen 2020 jyldyń sońyna deıin eski baǵamen satyp alynǵan júrek-qan tamyrlary aýrýlaryna qajetti (Aspırın, Kardıomagnıl, Trombo ASS) preparattardyń 8 ataýy bar. Turaqtandyrý qorynyń qoımalarynda 92 myń «Kardıomagnıl» (150 ml 90 ml) paketi bar. Sondaı-aq, Almaty dárihanalarynda shyǵarylatyn jáne satylatyn, halyqaralyq patenttelmegen dári-dármekter bar. Búgingi kúni osyndaı áseri bar almastyrǵyshtardy satyp alýǵa bolady», - dedi «Almaty Finance» basqarma tóraǵasy Tımýr Haırov.
Sonymen qatar, dárihanalarǵa 40 mıllıon dári-dármek satyp alynyp, jetkizilgenin atap ótti. Al dárihanalardyń medıtsınalyq maskamen qamtylýy 100 paıyzǵa jetken.
Elimizde óndiristik qýaty kúnine 1 mln maska shyǵaratyn 6 otandyq kompanııa bar. Sonymen qatar, 26 mıllıonnan astam maska shyǵaratyn 15 jetkizýshi bar.
