Almaty dárihanalaryna túsetin áleýmettik mańyzy bar dárilerdiń kólemi qysqarǵan joq
Qalany dári-dármekpen jabdyqtaýdy qamtamasyz etý maqsatynda Almaty qalasynyń statsıonarlaryna, emhanalary men dárihanalaryna apta saıyn monıtorıng júrgizilip turady.
Búgingi kúni, koronavırýs ınfektsııasyn emdeıtin preparattar jetkilikti. Shamamen 90%-dy quraıdy.
«Dári-dármek quraldaryn satýdan alyp tastaý týraly eshqandaı nusqaý bolǵan joq jáne bolýy múmkin emes. Sebebi dárihanalar bıznestiń táýelsiz sýbektisi. Budan basqa, qala ákimdigi dárihanany áleýmettik mańyzy bar dári-dármek pen medıtsınalyq maqsattaǵy buıymdarmen tolyqtyrý boıynsha barlyq qajetti sharalardy qabyldady», – dedi Almaty qalalyq kásipkerlik jáne ınvestıtsııalar basqarmasynyń basshysy Erkebulan Orazalın.
Qala dárihanalaryna dári-dármek preparattaryn jetkizý turaqtandyrý qory qarajattarynyń esebinen júzege asyrylady. Qazirgi ýaqytta, josparlanǵan 40,1 mln dári-dármek pen medıtsınalyq maqsattaǵy buıymdardyń 47,2 mln (118%) jetkizildi. 23,4 mln satyldy, qoldaǵy bary 23,8 mln.
Osylaısha, qala dárihanalarynda medıtsınalyq preparattyń eki aılyq qory qalyptastyryldy.
