Almaty dárihanalary qajetti dári-dármekpen qamtamasyz etilýde

ALMATY. QazAqparat – Almaty dárihanalary vırýsqa qarsy jáne ystyq túseretin preparattarmen qamtamasyz etilip jatyr. Bul týraly Farmatsevtıkalyq qyzmetti qoldaý jáne damytý qaýymdastyǵynyń basshysy Marına Dýrmanova aıtty, dep habarlaıdy QazAqparat tilshisi.

Onyń aıtýynsha, qazir qaýymdastyq qala ákimdiginiń qoldaýymen óndirýshilermen jáne iri jetkizýshilermen birge halyqty dári-dármektermen qamtamasyz etý úshin qoldan kelgenniń bárin jasap jatyr.

«Eń aldymen Densaýlyq saqtaý mınıstrliginiń emdeý hattamasynda kórsetilgen dárilerdi jetkizip jatyrmyz. Olar «Paratsetamol», «Aspırın», «Ibýprofen». ıAǵnı, ystyq túsiretin dáriler men qabynýǵa qarsy preparattar . Máselen, «Paratsetamol» qazirdiń ózinde qalaǵa qajetti mólsherde jetkizildi. 30 myń termometr satylymǵa shyqty. Taǵy 40 myńy ákelinedi. Kelesi aptada 2 mln «Paratsetamol» alýdy josparlap otyrmyz. Bulardy kóterme saýda kompanııalary jetkizedi. Osylaısha, Almaty «Paratsetamolmen» qamtamasyz etiledi», - dedi M.Dýrmanova.

Sonymen qatar, ol dárihanalarǵa basqa da medıtsınalyq zattardyń jetkizilgenin aıtty. Onyń ishinde ınfýzııa jaraqtary men shprıtster bar.

Eske salaıyq, búgin Almaty qalasynyń ákimi Baqytjan Saǵyntaev farmındýstrııa ókilderimen dári-dármekter men medıtsınalyq maqsattaǵy buıymdardy úzdiksiz jetkizýdi qamtamasyz etý máseleleri talqylanǵan selektorlyq keńes ótkizgen bolatyn.