Almaty dárigerleriniń jappaı koronavırýs juqtyrý deregi tekseriletin boldy
«Almaty klınıkalyq ortalyq aýrýhanasyndaǵy koronavırýs juqtyrý jaǵdaıynan soń meniń tapsyrýymmen QR Densaýlyq saqtaý vıtse mınıstri Kamaljan Nadyrov pen taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary Nurhan Sadýaqasov Almaty qalalyq qoǵamdyq densaýlyqty saqtaý basqarmasy basshysymen birge «Kóktem» shıpajaıynda karantınde jatqan dárigerlermen kezdesedi. Barlyq másele zań aıasynda sheshiledi degen senimdemin», - dep jazdy QR DSM basshysy Eljan Birtanov Facebook paraqshasynda.
Mınıstr Almatydaǵy medıtsınalyq uıymdardaǵy koronavırýs ınfektsııasynyń kúsheıý deregin zertteýdi tájirıbeli epıdemıolog, taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary Nurhan Sadýaqasovqa júktedi.
Aıta ketý kerek, bul klınıkalyq aýrýhanada 147 qyzmetker koronavırýs juqtyrǵan degen aqparat jarııalandy.
«Kóktem» shıpajaıynda jatqan dárigerler QR Densaýlyq saqtaý mınıstri men Prezıdentten arasha surap, vıdeo túsirgen bolatyn.