Almaty tsırkiniń máskeýlik baǵdarlamasynda 70-ke jýyq ań óner kórsetedi
ALMATY. QazAqparat- Almatynyń memlekettik tsırkinde erteń ústimizdegi jyldyń 6 aqpanynda «Adamdar! Sensatsııa! Ańdar!» atty dıvertısmentti (estradalyq kórinisterden turatyn) baǵdarlamanyń tusaýy kesiledi.
Uıymdastyrýshylardyń aıtýynsha, oǵan 70-ke jýyq jabaıy ańdar qatysady.
Baǵdarlama aıasynda Reseıdiń tsırk óneriniń ataqty ártisteri - saıqymazaqtar, jonglerler, akrobattar, áýe gımnastary jáne qolǵa úıretilgen ondaǵan jabaıy ańdar - túıequstar, kengýrý, kúzender, janattar, koatıler, sasyqıistiler, túlkiler, totyqustar jáne basqa da ańdar óner kórsetedi.
«Kórermenderdi erekshe baǵdaralma kútip tur. Nege «Adamdar! Sensatsııa! Ańdar!» dep atalady? Óıtkeni, bul baǵdarlamada ańdar óte kóp, ıaǵnı 70-ke jýyq ár túrli ańdar óner kórsetedi. Baǵdarlama óte áserli bolady», - dedi manejdiń aǵa ınspektory Nıkolaı Markın.
Sonymen qatar, baǵdarlama aıasynda kórermender «Gýsar balladasy» dep atalatyn orys átkensheginde akobattardyń, sondaı-aq, jonglerler jáne basqa da tsırk maıtalmandarynyń ónerin tamashalaıdy.
Keıbir trıýkter Gınnestiń rekordtar kitabyna engizilgen. Al ártisterdiń barlyǵy halyqaralyq marapattarǵa ıe.
Tsırk kórsetilimi barysynda Reseı Federatsııasynyń eńbek sińirgen ártisi, ataqty tsırk saıqymazaǵy Vladımır Starıkov kórermenderdi kúlkige qaryq qylary sózsiz.
