Almaty tsırki jóndeýden ótedi
ALMATY. QazAqparat - Almaty tsırkine qalpyna keltirý jumystary jasalady. Bul týraly Almaty qalasynyń mádenıet basqarmasynan málim etti, dep habarlaıdy QazAqparat tilshisi.
Qalalyq mádenıet basqarmasynan habarlaǵandaı, Qazaq memlekettik tsırkiniń ǵımaratynda jóndeý jumysy júrgenmen, ártisterdiń jumys orny saqtalady.
«Qalpyna keltirý jumysy barysynda ǵımarattyń bastapqy kelbeti, dızaıny men syrtqy qurylymy ózgerissiz qalady. Sondaı-aq, onyń barysynda tsırktiń búkil óner ujymy respýblıkada, sondaı-aq jaqyn jáne alys shetelderde gastroldik saparda bolady. Jóndený jumysy kezinde Qazaqstannyń eńbek zańnamasyna sáıkes, ártisterdiń jumys orny saqtalady», - delinedi mádenıet basqarmasynyń habarlamasynda.
Aıta keteıik, Almaty tsırki Dinmuhamed Qonaevtyń bastamasymen 1979 jyly salyndy. Sáýletshisi Vladımır Katsev boldy.
2003-2006 jyldary tsırk alǵash ret kúrdeli jóndeýden ótti.
Tsırk ǵımaraty qala qurylysy jáne sáýlet eskertkishi retinde jergilikti mańyzy bar tarıh jáne mádenıet eskertkishteriniń tizimine engen.
