Almaty tsıfrlyq televızııaǵa tolyq kóshti
Qala ákimi Instagram -daǵy paraqshasynda tsıfrlandyrýdyń jańa kezeńiniń bastaý alýymen analogtyq habar taratýdyń tarıh qoınaýyna enetinin atap ótti.
«Jobany kezeń-kezeńmen iske asyrý kezinde Almaty men oblystaǵy 90 tsıfrlyq radıotelevızııalyq stansa paıdalanýǵa berildi. Bul – 3,8 mıllıonnan astam turǵyny bar 736 eldi-mekendi tsıfrlyq efırlik telehabar taratý júıesimen qamtýǵa múmkindik ashty», — dep jazdy B. Saǵyntaev.
Tsıfrlyq standart otandyq telearnalardyń habar taratý úlesin ulǵaıtyp, eldiń aqparattyq resýrsyna teń quqyqty qoljetimdilikti qamtamasyz etedi. 4-5 telearnanyń ornyna qazaqstandyq 30-ǵa jýyq telearnany tańdaýǵa múmkindik týdy. Bul rette qymbat spýtnıktik tabaqty ornatýdyń da, kabeldik operatorǵa aqy tóleýdiń de qajeti joq. Áleýmettik osal toptaǵy azamattar sıgnal qabyldaǵyshtar arqyly tegin qamtamasyz etiledi.
«Tsıfrlyq» rejımge kóshýdiń resmı rásimi «Kóktóbe» telemunarasynda ótti. Ol respýblıkadaǵy eń bıik jáne tek Almaty aýmaǵyn ǵana emes, sonymen qatar jaqyn mańdaǵy 200 eldi mekendi tsıfrlyq sıgnalmen qamtıdy. Bul Almaty oblysy turǵyndarynyń 40%-yn quraıdy.
