Almaty tsıfrlyq damý jaǵynan Býdapesht, Tashkent jáne Bakýden alda keledi

ALMATY. QazAqparat –Búgin Óńirlik kommýnıkatsııalar qyzmetiniń brıfınginde Almaty qalasy Tsıfrlandyrý basqarmasynyń basshysy Baıan Qońyrbaev pen International Data Corporation (IDC) halyqaralyq aqparattyq-taldaý agenttiginiń vıtse-prezıdenti Andreı Beklemıshev tórt jyl ishinde «konıýnktýradan» «qaıtalanýǵa» deıin ósken «tsıfrlyq damý» deńgeıi týraly aıtty, dep habarlaıdy QazAqparat.

Aıta keterligi, tsıfrlyq damý – sandyq sheshimderdi engizý deńgeıiniń negizgi kórsetkishi.

«Tsıfrlyq transformatsııa – bul jahandyq ózgeris. Onyń basty mindeti – tsıfrlyq damýdyń barlyq salada joǵary deńgeıde bolýy. Sondyqtan tsıfrlyq transformatsııa protsesi sátti bolady», – dedi Baıan Qońyrbaev.

Ol Almatynyń osy baǵytta damýǵa kómektesetin «Aqyldy qala» baǵdarlamasyn iske asyrǵanyn atap ótti.

ÓKQ alańyndaǵy brıfıngte B. Qońyrbaev International Data Corporation (IDC) Halyqaralyq aqparattyq-taldaý agenttiginiń Almatynyń «Aqyldy qala» retinde jetilgenin baǵalaǵanyn aıtty.

«IDC ádisnamasy 5 ólshem boıynsha 19 krıterııdi qamtıdy: paıymdaý, mádenıet, protsester, tehnologııalar, derekter. Qorytyndy baǵa ár krıterıı úshin arıfmetıkalyq orta retinde esepteledi jáne 0-den 5-ke deıin ózgeredi», – dep túsindirdi A. Beklemıshev.

Baǵalaý nátıjeleri boıynsha 2021 jyly Almaty 5 baldan 2.7 ball jınady. 2017 jylmen salystyrǵanda qala «Konıýnktýralyq» (opportunistic) deńgeıinen «qaıtalanatyn» (Repeatable) deńgeıine aýysyp, nátıjeni jaqsartty.

A. Beklemıshev bul kórsetkishke qandaı faktor sebep bolǵanyn jetkizdi.

Sońǵy 4 jyldaǵy jetistikter týraly áńgimelegen B. Qońyrbaev álemdegi birde bir qala 5.0 deńgeıine jetpegenin aıtty. Azııa óńirinde Sıngapýr (5.0 deńgeıine jaqyndady), Seýl, Dýbaı, Iokogama joǵary nátıjeler kórsetti. Eýropada-London (4 deńgeı), Amsterdam, Barselona. TMD aımaǵynda Máskeý kósh bastap tur (3 pen 4 deńgeı arasynda).

Almaty Býdapesht, Tashkent jáne Bakýden ozyp, TMD-men Shyǵys Eýropa óńirlerinde jetekshi qalalar tobyna endi.