Almaty tsıfrlyq damý jaǵynan Býdapesht, Tashkent pen Bakýden alda keledi
ALMATY. QazAqparat - Óńirlik kommýnıkatsııalar qyzmetiniń brıfınginde Almaty qalasy Tsıfrlandyrý basqarmasynyń basshysy Baıan Qońyrbaev pen International Data Corporation (IDC) halyqaralyq aqparattyq-taldaý agenttiginiń vıtse-prezıdenti Andreı Beklemıshev tórt jyl ishinde «konıýnktýradan» «qaıtalanýǵa» deıin ósken «tsıfrlyq damý» deńgeıi týraly aıtty, dep habarlaıdy QazAqparat tilshisi.
Baıan Qońyrbaevtyń aıtýynsha, tsıfrlyq damý – sandyq sheshimderdi engizý deńgeıiniń negizgi kórsetkishi.
«Tsıfrlyq transformatsııa – bul jahandyq ózgeris. Onyń basty mindeti – tsıfrlyq damýdyń barlyq salada joǵary deńgeıde bolýy. Sondyqtan tsıfrlyq transformatsııa protsesi sátti bolady», – dedi basqarma basshysy.
Sonymen qatar, ol International Data Corporation (IDC) halyqaralyq aqparattyq-taldaý agenttigi Almatyny «Aqyldy qala» retinde baǵalaǵanyn atap ótti.
«IDS ádisnamasy 5 ólshem boıynsha 19 krıterııdi qamtıdy: paıymdaý, mádenıet, protsester, tehnologııalar, derekter. Qorytyndy baǵa ár krıterıı úshin arıfmetıkalyq orta retinde esepteledi jáne 0-den 5-ke deıin ózgeredi», – dep túsindirdi Andreı Beklemıshev.
Baǵalaý nátıjeleri boıynsha 2021 jyly Almaty 5 upaıdan 2.7 upaı jınady. 2017 jylmen salystyrǵanda qala «Konıýnktýralyq» (opportunistic) deńgeıinen «qaıtalanatyn» (Repeatable) deńgeıine aýysyp, nátıjeni jaqsartty.
Spıkerdiń aıtýynsha, sońǵy 4 jylda álemdegi birde bir qala 5.0 deńgeıine jetpegen. Azııa óńirinde Sıngapýr (5.0 deńgeıine jaqyndady), Seýl, Dýbaı, Iokogama joǵary nátıjeler kórsetti. Eýropada-London (4 deńgeı), Amsterdam, Barselona. TMD aımaǵynda Máskeý kósh bastap tur (3 pen 4 deńgeı arasynda).
Almaty Býdapesht, Tashkent jáne Bakýden ozyp, TMD-men Shyǵys Eýropa óńirlerinde jetekshi qalalar tobyna endi.
