Almaty bıýdjetine salyq tekseristeriniń nátıjesi boıynsha qosymsha 36 mlrd. teńge aýdaryldy
ALMATY. QazAqparat - Almaty qalasy boıynsha Salyq departamenti aǵymdaǵy jyldyń basynan bastap 422 keshendi jáne taqyryptyq tekserýlerdi aıaqtady.
Onyń nátıjesi boıynsha bıýdjetke qosymsha 36 mlrd. teńge aýdaryldy, dep habarlady vedomstvonyń baspasóz qyzmetinen.
Ótken jyldyń uqsas kezeńimen salystyrǵanda, salyq tekseristeriniń sany 2 esege azaıǵanyn atap ótken jón.
Qosymsha aýdarymdardyń negizgi somasy qurylys, kórsetiletin qyzmet, saýda salasyndaǵy qyzmetti júzege asyratyn salyq tóleýshilerdiń enshisinde.
Salyq tóleýshiler salyq salynatyn tabystardy azaıtý maqsatynda olar júzege asyratyn kásipkerlik qyzmetpen baılanysty emes shyǵystardy zańsyz arttyrǵan. Budan basqa, korporatıvtik tabys salyǵy boıynsha shegerimge jáne QQS boıynsha esepke býhgalterlik qujattardy rastamaıtyn shyǵyndar jatady.
