Almaty bıýdjetine ózgerister engizildi

ALMATY. QazAqparat – Almaty máslıhaty búgin jergilikti bıýdjetke 91.8 mlrd teńgege qosymsha qajettilikke qarajat bólý týraly sheshim qabyldady, dep habarlaıdy QazAqparat tilshisi.

Qalalyq máslıhattyń baspasóz qyzmetinen habarlaǵandaı, áleýmettik maqsatta – 33 mlrd teńge, atap aıtqanda, bilim salasynda 6 bilim nysanyna qosymsha ǵımarat salýǵa, densaýlyq saqtaý salasynda sırek kezdesetin 4 túrli dertke dári dármek alýǵa, medıtsınalyq gaz júıesi men medıtsınalyq qoqystardy shyǵarý júıesin salýǵa, COVID-19 dertimen kúreske túsken medıtsınalyq mamandarǵa ústemeaqy tóleýge jumsalmaq.

Áleýmettik salada balalar úıin qaıta qalpyna keltirý jobalyq smetalyq qujattaryn jasaýǵa,

2000 turǵyn úı sertıfıkatyn tapsyrýǵa, áleýmettik kómek berýge jumsalady.

Sport pen dene shynyqtyrý salasynda Zerdeli shaǵyn aýdanynda sporttyq saýyqtandyrý ortalyqtaryn salýǵa, Qazaqstan Jazýshylar Odaǵynyń ǵımaratyn jóndeýdiń jobalyq smetalyq qujattaryn daıyndaýǵa qarastyrylady.

Turǵyn úı kommýnaldyq sharýashylyq salasyna 21,2 mlrd teńge elektr, sýmen qamtý jelilerin jańartýǵa, Naýryzbaı aýdanynda gazben qamtý jelisiniń jobalyq smetalyq qujattaryn jasaýǵa,

«Aınabulaq» aýdanynda jylý magıstralin jóndeýge baǵyttalady.

Kólik salasynda 10,6 mlrd teńge metropolıtende jolaýshylardy tasymaldaý shyǵyndaryn sýbsıdııalaýǵa, Rysqulov-Emtsov kósheleriniń qıylysyndaǵy jol aıryǵy qurylysyna, BRT kóshe joldary jelisin qaıta qalpyna keltirýge, 30 baǵdarsham nysanyn salýǵa jumsalady.

Kógaldandyrýǵa - 22,1 mlrd teńge, qoǵamdyq tártipti saqtaýǵa - 4,2 mlrd teńge bólinedi.