«Almaty Business-2025» qalalyq baǵdarlamasy: eki júzden astam joba qarjylandyryldy
Bul jobalardyń ishinde 13,6 mlrd teńge somasyna «Almaty Finance» JShS-de 56 joba jáne 3,1 mlrd teńgege «Almaty» JShS-de 172 joba qarjylandyryldy.
Bıznesti jeńildikpen nesıelendirýdiń arqasynda Almatyda 1 074 jańa jumys orny ashyldy. Berilgen qaryzdardyń 80%-dan astamy basym baǵyttarǵa – áleýmettik salaǵa, ónerkásipke jáne kreatıvti ekonomıkaǵa tıesili.
2022 jyly «Almaty Business-2025» baǵdarlamasy aıasynda 1300-den astam jańa jumys oryndaryn quryp, 330 jumys ornyn saqtaı otyryp, 160-tan astam jańa jobany maquldaý jáne berý josparlanýda. Sondaı-aq bıýdjetke túsetin qosymsha túsimderdiń salyq salynatyn bazasy jylyna keminde 1,5 mlrd teńgege ulǵaıtylatyn bolady.
Sonymen qatar, «Almaty Business-2025» baǵdarlamasy aıasynda 669 jańa jumys ornyn qurýmen jalpy ınvestıtsııalar somasy 1,5 mlrd teńgege 8 óndiristik park iske qosyldy. 2022 jyly Indýstrıaldy aımaqta jalpy ınvestıtsııa somasy 2,1 mlrd teńge bolatyn, 380 jumys ornyn qurýmen 5 ónerkásiptik parkti iske qosý josparlanǵan; kelesi jyldary jalpy somasy 2,7 mlrd teńge bolatyn 710 jumys ornyn qurýmen 4 jobany iske qosý josparlanǵan.
Bólingen qarjylandyrýdyń shamamen 70%-y iskerlik belsendiligi tómen jáne orta aýdandarda (Alataý, Áýezov, Jetisý, Naýryzbaı, Túrksib aýdandary) bıznesti qoldaýǵa baǵyttaldy. Qosymsha «Almaty» áleýmettik-kásipkerlik korporatsııasy» AQ quraldary arqyly 1 myń jumys ornyn qurýmen 18 iri joba (8 áleýmettik jáne 10 kommertsııalyq) iske asyryldy, oǵan 95,8 mlrd teńge ınvestıtsııa tartyldy.
Bızneske qarjylaı emes qoldaý kórsetý boıynsha 2021 jyly «Qoldaý» kásipkerlik ortalyǵynda 44,5 myńnan astam konsýltatsııalyq qyzmet kórsetildi, memlekettik jáne óńirlik baǵdarlamalar boıynsha qarjylandyrýǵa deıin jalpy somasy 7,9 mlrd teńgege 225 joba maquldandy, 370 joba ruqsat qujattaryn aldy, 941 bıznes-jospar ázirlendi, kásipkerlik negizderine 10 myńnan astam tyńdaýshy oqytyldy.
Aıta keteıik, «Almaty Business-2025» kásipkerlikti damytýdyń óńirlik baǵdarlamasy Almaty qalasy máslıhatynyń 2019 jylǵy 13 jeltoqsandaǵy № 419 sheshimimen bekitilgen.