«Almaty - bul biz. Qalamyzdyń tarıhy» atty biregeı mýltımedııalyq kórme ótip jatyr
ALMATY. QazAqparat - Ońtústik astanada «Almaty - bul biz. Qalamyzdyń tarıhy» atty biregeı mýltımedııalyq kórme ótip jatyr. Qala kúni aıasynda uıymdastyrylǵan bul shara Almaty qalasynyń tarıhyna arnalǵan mýzeıdiń «SPACE Multimedia» galereıasymen birlesip jasaǵan jobasy.
Kórmege Almaty qalasy tarıhynyń mýzeıi qorynan kóptegen jádigerler qoıylǵan. Olardyń ishinde ásirese fotosýretterdiń orny erekshe. Olarda Almaty qalasy men Jetisý óńiriniń tarıhı kezeńderi kórinis bergen.
Kórmeniń maqsaty - kelýshilerdi Almaty qalasynyń tarıhy týraly maǵlumattarmen tolyqqandy tanystyrý jáne olardy qalanyń ótkeni men búgingi tarıhyna uqyptylyqpen qaraýǵa shaqyrý.
Sonymen qatar, kórmede qaladaǵy ónerkásipke, qala qurylysyna jáne qalanyń qoǵamdyq-saıası jáne mádenı ómirine qatysty bólek sektsııalar ázirlengen.
Ondaǵy biregeı fotomaterıaldardy, «Almaty entsıklopedııasy» veb-portalyn jáne fotograf Maksıs Zolotýhınniń toptamasyn arnaıy mýltımedııalyq ádis arqyly kórsetý - jádigerlerdiń nanymdylyǵyn arttyra túsedi.
Kórme ústimizdegi jyldyń 31 qazanyna deıin jalǵasady.
