Almaty botanıkalyq baǵyna kirý aqyly bolady
ALMATY. QazAqparat – Almatyda birneshe jylǵa sozylǵan rekonstýrktsııalyq jumystardan soń Botanıkalyq baq qaıta ashyldy, dep habarlaıdy QazAqparat tilshisi.
Bul jumystarǵa 15 mln AQSh dollary jumsalǵan. Qazir baqtyń úsh jaǵynan kirýge bolady.
Demalys orny tek 15-21 maýsym aralyǵynda tańǵy 10:00-23:00 barlyq kelýshiler úshin tegin bolmaq. Odan keıin praıs paraqtaǵy baǵaǵa saı kirý aqyly bolady.
- Eresekterge – 500 tg,
- Stýdentter men zeınetkerlerge - 300tg
- Mektep oqýshylaryna – 500 tg
- Ekskýrsovod jaldaý - 1000 tg
- Stýdentter men zeınetkerlerge ekskýrsovod jaldaý – 500tg
- Kıno, vıdeo, foto túsirilim – saǵatyna 5000 tg
- Fotoapparatqa túsý saǵatyna - 3000 tg
- 1 adamǵa úılený toıyna kelý – 1000 tg
- Múmkindigi shekteýli adamdarǵa, 5 jasqa deıingi balalarǵa – tegin.
Botanıkalyq baq ákimshiligi foto jáne vıdeo túsirilim kommertsııalyq, kásibı fotoapparatqa túsirilgen jaǵdaıda tólenetinin eskertti.
«Telefon kamerasyna, smartfonǵa, kommertsııalyq emes maqsatta túsirilgen sýretterge aqy alynbaıdy», - dedi ákimshilikten.
Toıǵa kelgen qalyńdyq pen kúıeý jigit qana 1000 teńgeden tólese, olarmen erip kelgender 500 teńgeden ǵana tóleıdi.
Bul qarajat baqty baǵyp qaǵýǵa, kútim jumystaryna jumsalady.
Rekonstýrktsııa jumystaryna deıin botanıkalyq baq tarıfteri eki esege arzan bolǵan.
Eske sala ketsek, Botanıkalyq baqtyń qalaı ózgergeni týraly buǵan deıin jazǵan bolatynbyz.
Bıyl Memleket basshysy Qasym-Jomart Toqaev Almatyǵa saparynda Botanıkalyq baqty qaıta qurýdyń nátıjelerimen tanysty .
