Almaty blokpostyndaǵy jol apaty: Úshinshi polıtseıdiń jaǵdaıy qalaı
ALMATY. QazAqparat – Almatyda blokposta bolǵan jol apatynda zardap shekken polıtsııa qyzmetkeriniń jaǵdaıy jaqsaryp keledi, dep habarlaıdy QazAqparat tilshisi.
«Qazirgi ýaqytta patsıenttiń jaǵdaıy jaqsaryp keledi. Jansaqtaý bóliminen profıldi neırohırýrgııa bólimine aýystyryldy. Emdeý jalǵasady. Densaýlyǵyn qaıta qalpyna keltirý men ońaltý bastaldy»,– deıdi neırohırýrg Aleksandr Romanchık.
Buǵan deıin polıtseıdiń aýyr halde ekenin habarlaǵan bolatynbyz. Dárigerler tekserý barysynda qosarlasqan jaraqat, basynyń shúıde bóliginiń jaraqaty, mıy soqqy alǵanyn anyqtap, shuǵyl túrde ota jasady .
Eske salaıyq, 25 mamyr tańǵy saǵat 05:26-da BMW markaly kóliktiń 1992 jylǵy júrgizýshisi mas kúıinde blokpostaǵy polıtsııa kóligine soǵyldy. Saldarynan eki polıtsııa qyzmetkeri kóz jumdy .
