Almaty bıznesmenderi qalany damytý boıynsha óz usynystaryn aıtty
ALMATY. QazAqparat – Almaty ákimi Baqytjan Saǵyntaev bıznes-qoǵamdastyqtyń megapolısti damytýǵa qatysýy boıynsha iskerlik keńestiń kezekti otyrysyn ótkizdi, dep habarlaıdy QazAqparat tilshisi.
«Almaty-2050» damý ctrategııasynda belgilengen jeti basty baǵytty iske asyrý maqsatynda 9 salalyq komıtet quryldy. Bıznes-qoǵamdastyq ókilderinen ózge keńes quramyna qala ákiminiń orynbasarlary jáne salalyq basqarmalar basshylary engen bolatyn.
Bıylǵy jyldyń qarasha aıynda ár komıtet óz otyrystarynda «Almaty-2050» damý strategııasyn, «aqyldy», qaýipsiz ári shetsiz qalany damytý perspektıvalaryn, sonymen qatar shaǵyn jáne orta bıznesti damytý máselelerin talqylaǵan bolatyn. Komıtetter tóraǵalary atqarylǵan jumystar týraly baıandady jáne megapolısti damytýdyń túrli baǵyttaryn iske asyrý boıynsha óz usynystaryn aıtty.
«Іskerlik keńestiń damý strategııasyn talqylaý boıynsha júrgizip jatqan jumystary biz úshin paıdaly ári mazmundy. Bıznesmenderdiń óz tájirıbeleri men bilimderin bólisýge, qala jáne onyń turǵyndary úshin bastamalar men baǵdarlamalardy birge júzege asyrýda resýrstardy paıdalanýǵa daıyn ekendigi qýantady, - dedi qala ákimi Baqytjan Saǵyntaev.
Jıynda iskerlik keńestiń 2020 jylǵy jumys jospary talqylandy.
