Almaty-Bishkek jolyndaǵy kólik apatyna qatysty qylmystyq is qozǵaldy
TARAZ. QazAqparat - Jambyl oblystyq ІІD ókilderi Almaty-Bishkek kúre jolynda bolǵan qaıǵyly oqıǵaǵa qatysty pikir bildirdi, dep habarlaıdy QazAqparat tilshisi.
Eske sala keteıik, 26 aqpan kúni Qordaı asýyna jaqyn jerde, Qordaı aýdanynyń Otar aýylynyń mańynda jeńil avtokólik tutastaı janyp ketken bolatyn. Bul jaıly aqparat áleýmettik jelide jyldam tarady, ony Almaty - Bishkek kúre jolymen kele jatqan kýágerler vıdeoǵa túsirip alǵan.
Jambyl oblysy ІІD baspasóz qyzmetindegilerdiń aıtýynsha, jol-kólik oqıǵasy Almaty - Tashkent avtojolynyń 152-kılometrinde bolǵan.
«Eki jeńil kóliktiń soqtyǵysýynan eki adam qaza tapqan. Osy fakti Sotqa deıingi tergep-tekserýlerdiń biryńǵaı tizilimine QR QK 345-babynyń («Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy») 4-bóligimen tirkeldi. Qazir sotqa deıingi tergep-tekserý júrip jatyr, oqıǵanyń egjeı-tegjeıi anyqtalýda. Birneshe saraptama belgilengen», - delingen habarlamada.
