Almaty-Bishkek jolynda 4 kólik soqtyǵysty
TALDYQORǴAN. QazAqparat - Almaty-Bishkek tas jolynda 4 kólik soqtyǵysqan jol apatynda 29 jastaǵy jigit qaza tapty. Ol aýrýhanaǵa jetpeı kóz jumǵan, kólik apatynan taǵy eki adam zardap shekti, dep habarlaıdy QazAqparat tilshisi.
3 qarashada Almaty-Bishkek tas jolynyń 27 shaqyrymynda bolǵan kólik apatynda 4 kólik bir-birine soǵylǵan. Toyota Land Cruiser Prado, Mercedes, Mazda jáne Chevrolet markaly mashınalar soqtyǵysqan. Qaıtys bolǵan Chevrolet kóliginiń júrgizýshisi, Almaty qalasynyń turǵyny ekeni anyqtaldy. Al zardap shekken taǵy eki adam Mercedes kóligindegi júrgizýshi men jolaýshysy. Olardy Qaskeleń qalasyndaǵy aýrýhanaǵa jetkizgen.
«Qazir atalǵan jol-kólik oqıǵasyna qatysty QR QK 345-baby boıynsha sotqa deıingi tergeý júrip jatyr. Qajetti sot-medıtsınalyq saraptamalar taǵaıyndaldy», - dep málimdedi Almaty oblystyq Polıtsııa basqarmasynyń baspasóz qyzmetinen.
Esterińizge sala keteıik, 28 qazanda Almaty-Bishkek tas jolynyń 23 shaqyrymda avtobýs pen shaǵyn avtobýs soqtyǵysyp, 21 adam zardap shekkenin habarlaǵan bolatynbyz.
