«Almaty-Bishkek» trassasynda ustalǵan kólikten 7 mln teńgeniń dárisi tabyldy
TALDYQORǴAN. QazAqparat - Almaty oblysynda quny 7 mln teńgeden asatyn dárilik preparattary bar avtokólik ustaldy, dep habarlaıdy QazAqparat Qarjy monıtorıngi komıtetine silteme jasap.
6 shildede Qarjy monıtorıngi komıteti Almaty oblysy boıynsha ekonomıkalyq tergeý departamentiniń qyzmetkerleri jedel-izdestirý sharalary barysynda «Almaty-Bishkek» tasjolynda ruqsat qujaty jáne lıtsenzııasy joq dárilik zatty zańsyz satqan tulǵalardy ustady.
Kólikti tintý kezinde 7 mln teńgeden astam somaǵa «Azıtromıtsın» dárilik preparatynyń 10 qoraby (ár qorapta - 242 qaptama) tárkilenip alyndy.
Atalǵan fakti negizinde QR QK 214-baby boıynsha is qozǵaldy.
Aıta keteıik, Qarjy monıtorıngi komıtetiniń ekonomıkalyq tergeý qyzmeti 5-6 shilde kúnderi elimizdiń barlyq aýmaǵynda dári-dármekti zańsyz satýdyń 18 faktisin anyqtady. 727 mln teńgeden astam somaǵa 182 myń qaptama túrli dárilik zattar tárkilendi.
