Almaty-Bishkek tasjolynda jolaýshylar avtobýsy apatqa ushyrady
TALDYQORǴAN.QazAqparat - Almaty-Bishkek tasjolynda 37 jolaýshysy bar avtobýs djıp kóligimen soqtyǵysyp, joldyń jıegine shyǵyp ketken, dep habarlaıdy QazAqparat tilshisi.
Almaty oblystyq ІІD baspasóz qyzmetiniń málimetinshe, avtobýsta 37 jolaýshy jáne eki júrgizýshi bolǵan. Jolaýshylardan eshkim zardap shekpegen, tek kólikti tizgindegen avtobýs júrgizýshisi jeńil dene jaraqatyn alǵan. Ol dárigerlerdiń qaraýynan keıin úıine jiberilgen. Apatqa ushyraǵan djıp kóliginde de zardap shekkender joq.
Oqıǵa Almaty-Bishkek tasjolynyń 127 shaqyrymynda 18 sáýir kúni tańǵy bester shamasynda boldy.
Aldyn ala boljam boıynsha, avtobýs djıp kóliginiń artynan kelip soqqan.
