«Almaty-Bishkek» tasjolynda jol talǵamaıtyn kóliktiń júrgizýshisi mert boldy
TALDYQORǴAN. QazAqparat - «Almaty-Bishkek» tas jolynda «Toyota Land Cruser-100» kóliginiń 67 jastaǵy júrgizýshisi mert boldy, dep habarlaıdy QazAqparat tilshisi.
«27 mamyr kúni saǵat 23:00 der shamasynda « Toyota Land Cruser-100» kóliginiń júrgizýshisi «Almaty-Bishkek» tas jolynyń 137 shaqyrymynda rólge ıe bola almaı, qarsy baǵytqa shyǵyp ketip, «Mersedes Benz-817» kóligine soǵyldy. Saldarynan eki kólik te órtenip ketti. «Toyota Land Cruser-100» kóliginiń 1953 jylǵy júrgizýshisi oqıǵa ornynda mert boldy», - dep málimdedi Almaty oblystyq Polıtsııa departamentiniń baspasóz qyzmeti.
Al Mersedes Benz-tiń 1988 jylǵy júrgizýshisi men onyń eki jolaýshysy túrli dene jaraqattarymen aýrýhanaǵa jetkizilgen. Qazir olar Qordaıdaǵy aýdandyq aýrýhanada jatyr. Atalǵan fakti QR QK 345-baby boıynsha tirkelgen.
