Almaty-Bishkek tasjolynda ınkassator kóligi áıel adamdy qaǵyp ketti
ASTANA. QazAqparat - Almaty-Bishkek tasjolynda ınkassatorlar avtomobıli áıel adamdy qaǵyp ketip, mert qyldy. Brondalǵan fýrgonnyń áıel adamdy qaǵyp ketken ornynan toqtaǵan jerine deıingi qashyqtyǵy 100 metrdi quraıdy, dep habarlaıdy patrul.kz.
Oqıǵa Almaty-Bishkek tasjolynda, Qaskeleń qalasyna burylystaǵy kópirdiń astynda oryn alǵan. Kýágerlerdiń aıtýynsha, brondalǵan fýrgon qatty jyldamdyqpen Almatyǵa qaraı ketip bara jatqanda, jolǵa kenetten áıel kisi júgirip shyqqan. Barlyǵy qasqaǵym sátte bolyp, júrgizýshi qandaı da bir áreket jasap úlgermeı qalady. Áıeldi mashına soqqannan keıin, ol júz metr jerge deıin kóliktiń astynda barǵan. Onyń kim ekenin oqıǵa ornynda anyqtaýǵa múmkin bolmady. 
