Almaty-Bishkek tasjolyna alyp baratyn jol ashyldy

ALMATY. QazAqparat - Almaty óńirinde «Asyl Arman» turǵyn úı kesheni mańyndaǵy estakadada kólik qozǵalysy ashyldy, dep habarlaıdy QazAqparat «QazAvtoJol» ulttyq kompanııasyna silteme jasap.

«Asyl Arman» turǵyn úı kesheni mańyndaǵy estakadada qaýipsiz kólik qozǵalysy qamtamasyz etildi. Negizgi qurylys jumystary aıaqtaldy. «Asyl Arman» turǵyn úı kesheni turǵyndary «qubyr» úlgisindegi jolaıryq arqyly Almaty qalasyna qaraı jáne respýblıkalyq mańyzdaǵy «Almaty-Bishkek» tasjolyna kedergisiz shyǵa alady. Sondaı-aq jol qozǵalysy qaýipsizdigin qamtamasyz etý úshin qajetti jol belgileri ornatylyp, jol tańba syzyǵy jańartyldy», - dep jazdy vedomstvodan.

Bıylǵy kúzde nysan paıdalanýǵa berilmek.

Merdiger uıym kelisimshartqa qol qoıǵan kúnnen bastap bir jylǵa jýyq ýaqyt aralyǵynda jol qozǵalysyn qamtamasyz etti.