Almaty-Bishkek tas jolyndaǵy kólik apaty: 11 adam aýrýhanada jatyr
TALDYQORǴAN. QazAqparat - 28 qazan kúni Almaty-Bishkek tas jolyndaǵy kólik apatynan 11 adam aýrýhanaǵa tústi. Onyń ekeýi jansaqtaý bóliminde jatyr, dep habarlaıdy QazAqparat tilshisi.
«Qarasaı aýdandyq aýrýhanasyna barlyǵy 22 adam jetkizilgen. Qazir 11 adam aýrýhanaǵa jatqyzylyp, em qabyldaýda. Jaǵdaılary ortasha deńgeıde. Al jansaqtaý bóliminde jatqan 2 naýqastyń bireýiniń jaǵdaıy jaqsaryp keledi. Ony jalpy palataǵa aýystyrý máselesi qarastyrylyp jatyr», - dedi oblystyq Densaýlyq saqtaý basqarmasynyń baspasóz qyzmetiniń ókili Láılim Áýbákirova.
Esterińizge sala keteıik, Almaty - Bishkek tas jolynyń 23-shaqyrymynda bolǵan kólik apatyna baılanysty QR QK 345-baby boıynsha sot aldy tergeý bastalǵanyn buǵan deıin habarlaǵan bolatynbyz.
Oblystyq Polııatsııa departamenti baspasóz qyzmetiniń málimetinshe, jolda sprınter men avtobýs soqtyǵysqan.
