Almaty- Bishkek tas jolynda kólik balasyn jetektegen anany qaǵyp, ekeýin de mert qyldy
ALMATY. QazAqparat – Kólik júrgizýshi Almaty-Bishkek tas jolynda jaıaý júrginshiler ótkelinde segiz jasar balamen onyń anasyn qaǵyp, mert qyldy, dep habarlaıdy QazAqparat tilshisi.
Qaıǵyly oqıǵa 1 aqpan kúni keshke bolǵan. Adam ólimine alyp kelgen jol apaty týraly habarlama Qarasaı aýdandyq polıtsııa basqarmasynyń kezekshi bólimine tústi.
«Toyota Camry» kóliginiń júrgizýshisi, Almaty qalasynyń 23 jastaǵy turǵyny Saýynshy aýylynyń mańynda jaıaý júrginshiler ótkelinen ótip bara jatqan 52 jastaǵy áıel men onyń 8 jasar balasyn qaǵyp ketti. Ekeýi de alǵan jaraqattarynan sol jerde kóz jumdy»,-dep habarlady polıtsııadan.
Atalǵan derekke qatysty QR QK 345-baby, 3-bólimi boıynsha sotqa deıingi tergeý amaldary júrgizilýde.
Júrgizýshi ýaqytsha ustaý ızolıatoryna qamaldy.
