Almaty-Bishkek tas jolynda 7 kólik soqtyǵysty
TALDYQORǴAN.QazAqparat - Almaty-Bishkek tas jolynda qalyń qar men kóktaıǵaq saldarynan 7 kólik soqtyǵysty. Bir adam dene jaraqatymen aýrýhanaǵa jetkizilip, tekserýden keıin úıine jiberildi, - dep habarlaıdy QazAqparat tilshisi.
Qazirgi tańda oblys aýmaǵynda boran soǵyp, burqasyndatyp tur. Taldyqoroǵan-Úsharal baǵytynda qoǵamdyq kólikter men dızeldik qozǵaltqyshy bar kólikterge qozǵalys shekteldi. Sondaı-aq aýa raıynyń buzylýyna baılanysty Almaty-Óskemen tas jolynan Qapal Arasan shıpajaıyna deıingi 45 shaqyrym jol kóliktiń barlyq túrine jabyldy. Tótenshe jaǵdaılar qyzmetkerleri alys saparlardan bas tartyp, saq bolýdy eskertedi.
Almaty oblystyq Polıtsııa departamenti baspasóz qyzmeti kólikterdiń jappaı soqtyǵysýyn rastady. Oqıǵa búgin bolǵan. Resmı málimet boıynsha 7 kólik soqtyǵysqan. Onyń ishinde bireýi jolaýshylar avtobýsy.
