Almaty-Bishkek reısin oryndaýshy ushaq áýede SOS belgisin berdi
ASTANA. QazAqparat - Embraer ushaǵy, Almaty-Bishkek reısin oryndaýshy KC109 AirAstana áýede SOS belgisin bergen.
Bul týraly Facebook-tegi óz paraqshasynda Denıs Krıvosheev jazdy.
«Tyńdańyzdar! Shuǵyl! Embraer ushaǵy, Almaty-Bishkek reısin oryndaýshy KC109 AirAstana áýede SOS belgisin berdi.
Qozǵaltqyshtardyń biri isten shyqqan. Bort áýejaıǵa qaıta bet aldy. Barlyq apattyq qyzmet dabyl boıynsha kóterildi. Bortta 50 adam bar. Egjeı-tegjeıin bilýge tyrysamyn. Ushaq bir qozǵaltqyshpen qonýǵa bet aldy, delingen onyń habarlamasynda.
Abyroı bolǵanda, ushaq aman-esen Almaty áýejaıyna qondy.
