Almaty bir kúnde álemdik jelaıaqtar astanasyna aınalady
ALMATY. QazAqparat - Almaty qalasynyń kóptegen turǵyndary úshin 20 sáýir halyqaralyq marafon jáne jarys qaýymdastyǵy kúntizbesinde «III Almaty Marafonyn» ótkizgen kún retinde este saqtalyp qalmaq.
Parıj, Vena, San-Paýlýdan keıin Almaty bir kúnde álemdik jelaıaqtar astanasyna aınalyp, tarıh betterine máńgilik jazylyp qalmaq. Kelesi kúni, 21 sáýirde tanymal Boston marafony ótedi.
Bul týraly Almatyda III Almaty marafony boıynsha ótken baspasóz máslıhatynda Almaty qalalyq Dene shynyqtyrý jáne sport basqarmasynyń bastyǵy Qaıyrbolat Qaıdarov aıtty.
"Jarys jolyna 10 myńǵa jýyq adam shyǵady. Qazaqstannan basqa Ulybrıtanııa, Túrkııa, Lıtva, Shvetsııa, Reseı, Ońtústik Koreıa elderiniń ókilderi de qatysady", - dep atap ótti III Almaty Marafonynyń dırektory Saltanat Qazybaeva.
Sondaı-aq «Astana Motors» kompanııasynyń prezıdenti Nurlan Smaǵulovtyń aıtýynsha, onyń kompanııasy marafon ótkizý qurmetine Almatynyń Pedıatrııa jáne balalar hırýrgııasy ǵylymı ortalyǵyna bir «Jedel járdem» mashınasyn tartý etpek.
Eske sala keteıik, marafon Almatynyń kórikti oryndary arqyly ótedi. Júgirý kezinde keıbir kóshelerde avtokólikterge ishinara jol qozǵalysy shektelmek.
