Almaty - bilim berýdiń jańa tehnologııalary engizilip otyrǵan elimizdegi úlken bilim ortalyǵy
ASTANA. 12 qańtar. QazAqparat - Almaty bilim berýdiń jańa tehnologııalary engizilip otyrǵan elimizdiń úlken bilim ortalyǵy bolyp tabylady.
Qalada dıagnostıka men emdeýdiń aldyńǵy qatarly ádisterin qoldanatyn 1000 jýyq medıtsınalyq mekeme jumys isteıdi, dep habarlady pm.kz saıty.
Qazirgi tańda mektepke deıingi bilim berý uıymdarynyń sany jyl saıyn ósip keledi, sondaı-aq soǵan sáıkes mektepke deıingi uıymdarda tárbıelenýshilerdiń de sany ulǵaıdy. Mysaly, 2011 jylǵy 1 qazanda olardyń sany 41,4 myń bala bolsa, 2000 jyly 20,5 myń bala bolǵan. Táýelsizdik jyldary 93 balabaqsha salyndy. Sońǵy eki jylda 66 balalar mekemesi iske qosyldy, olardyń qatarynda jeke jáne memlekettik menshiktegi mekemeler de bar.
Ótken 20 jylda bilim berý salasynda 30 myń oryndyq 35 mektep salyndy, onyń ishinde 13 nysan 2007-2011 jyldar aralyǵynda turǵyzyldy.
Almaty qalasy elimizdiń iri medıtsınalyq ortalyǵy bolyp tabylady. Búginde megapolıste 1 myńǵa jýyq medıtsınalyq mekeme jumys isteıdi, olardyń 90 paıyzy - jekemenshik sektor mekemeleri.
Táýelsizdik jyldary dıagnostıka men emdeýdiń eń aldyńǵy qatarly ádisterin qoldanatyn zamanaýı densaýlyq saqtaý nysandary iske qosyldy. Olardyń qatarynda qalalyq klınıkalyq kópbeıindi aýrýhana, jeke turǵyn úıler ornalasqan aýdandardaǵy birneshe iri emhanalar, respýblıkadaǵy alǵashqy medbıkelik kútý aýrýhanasy bar jáne zamanaýı perınataldyq aýrýhana, sondaı-aq elimizdegi birinshi hospıs, t.b. nysandar salyndy.
Eger 1991 jyly nebári 3 densaýlyq saqtaý nysany salynsa, Táýelsizdik jyldary, 2011 jyldy qosa alǵanda, 36 nysan boı kóterdi.
Jumyssyzdardyń sany 1998 jylǵy 91 myń kórsetkishten 2010 jylǵy 45,5 myńǵa deıin, ıaǵnı 2 esege azaıdy. Búginde jumyssyzdyq deńgeıi qala boıynsha 6,3 paıyzdan aspaıdy, 1991 jyly bul kórsetkish 14 paıyz bolatyn. Almatylyqtardyń ortasha aılyq jalaqysy respýblıka boıynsha eń joǵary bolyp tabylady jáne 106,6 myń teńgeni qurady. Ortasha jalaqy 1995 jylmen salystyrǵanda 21 esege ósken.
