Almaty bıligi jylytý maýsymyna júz paıyz daıyn ekenin málimdedi
ALMATY. QazAqparat – Almaty ákimdigi qalanyń jylytý maýsymyna daıyn ekenin málim etti, dep habarlaıdy QazAqparat tilshisi.
«25 qyrkúıektegi jaǵdaı boıynsha Almatynyń qalalyq sharýashylyǵy 100% daıyn. Injenerlik jelilerdiń daıyndyǵy: jylý jelileri – 100%, qazandyqtar – 100%, sýmen qamtý, sý tartý jelileri – 100%, elektrmen qamtý – 100%», - dep málimdedi ákimdik ókilderi.
Ákimdik ókilderiniń aıtýynsha, bilim berý, densaýlyq saqtaý, turǵyn úı qory sekildi áleýmettik nysandar da jańa maýsymǵa júz paıyz daıyn.
Almaty elektr stantsııasynyń energııa kózderi 100% daıyn, kómir qory 123% (237 myń tonna, norma – 211 myń tonna) mazýttyń apattyq qory 119 % (25 myń tonna, al norma – 21 myń tonna).
