Almaty bıligi oblystan qatynaıtyn jumyskerlerdi qalaǵa kirgizbeıdi
ALMATY. QazAqparat – Almatyǵa oblystan qatynaıtyn jumyskerlerge jumys berýshiler aqyly demalys berýi kerek. Bul týraly onlaın brıfıng barysynda qala ákiminiń orynbasary Saparbek Tuıaqbaev aıtty, dep habarlaıdy QazAqparat tilshisi.
«Qazir qala ákimdigi úshin eń basym baǵyttardyń biri – jumys oryndaryn saqtap qalý. Kóp jumys oryndarynyń qyzmetkerleri oblystan qatynaıdy. Eger jumys berýshide múmkindik bolsa, olardy 1 aıǵa aqyly demalysqa jiberý kerek. Eger oǵan múmkindik bolmasa, jumyskerlerge Almatydan ýaqytsha oryn taýyp, ornalastyrý kerek. Qazir jataqhana, hostel, qonaq úıler bosap jatyr. Karantın kezinde oblystan qatynaıtyn qyzmetkerlerge arnaıy ruqsat berilmeıdi. Jumys berýshiler qazirden bastap túngi 24.00 deıin osy máseleni sheshýi tıis», - dedi S.Tuıaqbaev.
