Almaty bıligi megapolıstegi oqıǵaly týrızmdi damytady
ALMATY. QazAqparat - Almaty Týrızm jáne syrtqy baılanystar basqarmasynyń basshysy Tımýr Dúıenǵalıev «5 ınstıtýtsıonaldyq reformalardy iske asyrý boıynsha 100 naqty qadam» - Ult josparyn» iske asyrý aıasynda qalanyń týrıstik salasyn damytýdyń negizgi kórsetkishterin málim etti, dep habarlady «QazAqparat» HAA tilshisi.
Almaty qalasy óńirlik KQ alańynda sóz sóılegen Tımýr Dúısenǵalıev qalalardy 2020 jylǵa deıin damytý josparyna sáıkes Almaty kúlli Ortalyq Azııadaǵy iri halyqaralyq týrıstik ortalyq bolýy tıis ekenin atap ótti. Bul úshin Almatyda úlken áleýet bar.
Týrızm basqarmasy basshysynyń aıtýynsha, qalanyń damyǵan ınfraqurylymy bar. Almatyda kórme ortalyqtary, teatr, murajaı, meıramhanalar kóp. Qalada 137 qonaqúı bar. Budan basqa týrısterdiń negizgi baǵyttary «Shymbulaq» taý-shańǵy kýrorty, «Medeý» taýly syrǵanaq, Úlken Almaty kóli, Sharyn quzy, Kólsaı kóli, «Altyn Emel» ulttyq saıabaǵy, Tamǵaly Tas petroglıfi, Tańbaly Túrgen shatqaly, Ystyqkól, Qaıyńdy kóli jáne t.b. sııaqty nysandar bolyp tabylady. Týrızm basqarmasynyń derekterine sáıkes bıyl Almatyǵa 761 myń adam barǵan, onyń 300 myńǵa jýyǵy rezıdent emester, 400 myńy rezıdentter.
Tımýr Dúısenǵalıevtiń aıtýynsha, esep naqty emes, sebebi keı qonaqtar qonaqúıge toqtamaıdy. Dostarynda, týystaryna toqtaıtyn nemese páter jaldaıtyn qazaqstandyqtar men sheteldikter esepte joq. Sondyqtan týrızm basqarmasy qazir statıstıkalyq esepti jetildirý boıynsha jumys júrgizip jatyr. Fakti boıynsha Almatyǵa 1,5 mln adam qatynaǵan, dep atap ótedi spıker.
Qalalyq bılik ishki týrızmdi damytýǵa nıetti. Qazir sol úshin jumystar júrgizilýde. Tımýr Dúıenǵalıev atap ótkendeı, birinshi kezekte - Úndistan, Qytaı, Iran, Reseı baǵyttary damıdy. Qazir osy elder naryǵynda Almaty týraly týrıstik aqparat berý boıynsha aýqymdy jumystar atqarylýda.
«Bul strategııa birneshe eleýli baǵyttardy qamtıdy, bul kórme uıymdastyrý, telearnalarda tikeleı jarnama kórsetý, aqparat týrlary, jańa trend - áleýmettik jeliler. Biz ár elderden halyqaralyq blogerlerdi tartýǵa nıettimiz. Sebebi búginde úrdis áleýmettik jelilerde jarnamalardyń damýymen aıqyndalady, - dedi ol.
Tımýr Dúısenǵalıev oqıǵaly týrızmniń damýy jaıynda sóz qozǵady. Jyl sońyna deıin týrızm basqarmasy 25KZFEST atalatyn sharany ótkizýdi josparlaıdy. Oǵan qalanyń 25 jyldaǵy barlyq jetistikteri usynylady. Mundaı sharalardy júrgizýge, týrızmdi damytýǵa jergilikti bıýdjetten qarajat bólingen.
Eger ótken jyly týrızmdi damytýǵa 700 mln teńgeden astam bólinse, kelesi jyly ol 30-40 paıyzǵa kóp bolmaq. Ázirge bıýdjet qalyptasý satysynda, «Bizde etnıkalyq birtekti nysandar joq. Álemniń barlyq elderinde tarıhı aýyldar qurylýda.
Almatynyń 1000 jyldyǵy boıynsha bizdiń mindetimiz monetada ǵana emes, ǵalymdardyń sıpattamasynda kórsetý, Qola dáýiri, Saq kezeńiniń úılerin jańǵyrtý, balalarǵa tarıh sabaǵyn ótkizý. Osyndaı jobalar josparlandy. Qazir bıznes-josparlar, ınvestıtsııa kólemi pysyqtalýda.
Olardy ótkizý úshin bizde birneshe oryn bar - Naýryzbaı aýdanynda qalalyq saıabaq, Alataý aýdanynda Boraldaı saq qorǵandaryn qurý josparlanýda. Bul tarıhı nysan, onda shynaıy tarıhty kórsetýden bólek, nysandar qurýǵa bolady. Týrıster balshyqtan birdeńe jasap úırengeni úshin sertıfıkat alady. ıAǵnı, barlyǵy osy baǵytta júrgiziledi. Jansyz eksponattar eshkimdi qyzyqtyrmaıdy.
Bul nysandar damı túsedi. Bul úshin qala basshylyǵy qomaqty resýrs bóledi dep oılaımyn, - dep sanaıdy ol.
T. Dúısenǵalıev atap ótkendeı, 25KZFEST sııaqty oqıǵaly sharalardy ótkizý Ult josparynyń 86-shy qadamynda kórsetilgen. Onda «Almaty - Qazaqstannyń erkin mádenı aımaǵy» klasterin qurýmen týrıstik salany damytýdyń tujyrymdamasyn iske asyrý kózdelgen. Bul qadamdy iske asyrý aıasynda Almatynyń birtektiligin kórsetetin jobalardy damytý qajet, dep sanaıdy týrızm basqarmasynyń basshysy.
