Almaty bıligi qoǵamdyq oryndardaǵy órt qaýipsizdigin teksermek
ALMATY. QazAqparat - Almaty bıligi qoǵamdyq oryndardaǵy órt qaýipsizdigin tekserýge almaq, dep habarlaıdy QazAqparat tilshisi ákimdiktiń baspasóz qyzmetine silteme jasap.
Mundaı tapsyrmany Almaty ákimi Baýyrjan Baıbek berdi.
Atap aıtqanda, barlyq saýda - demalys jáne oıyn-saýyq ortalyqtaryna, bazarlarǵa, vokzaldar men mektepterge, aýrýhanalarǵa, bala baqshalaryna, sonymen qatar adamdar kóp jınalatyn oryndarǵa órt qaýipsizdigine qatysty tekserýler uıymdastyrylady.
Monıtorıng nátıjesi boıynsha órt qaýipsizdigine oraı kemshilikter anyqtalsa, onda tıisti sharalar qoldanylady.
Almatyda qazir 128 oıyn-saýyq ortalyǵy, 46 bazar, 170 meımanhana, qonaqúı men hostel, qoǵamdyq tamaqtanýdyń 2 myńnan astam orny, 300-den astam densaýlyq saqtaý nysany, 700- den astam balabaqsha, 200 orta bilim berý obektisi bar.
Eske sala keteıik, 25 naýryzda Reseıdiń Kemerovo qalasynda oıyn-saýyq ortalyǵynda alapat órt bolyp, 60 astam adam kóz jumdy.
Keıin belgili bolǵandaı, ǵımaratta tútin aıdaý júıesi, órt sóndirý júıesi durys jumys jasamaǵan.
Sondaı qaıǵyly oqıǵa Almatyda da bolǵan. Almaty towers ǵımaratynda da batýt ortalyǵynan órt shyǵyp, 6 adam apatty esiktiń jabyq turýyna baılanysty tunshyǵyp ólgen edi.
Foto: yvision.kz
