Almaty bıligi «Dýman» shaǵynaýdanyna aýyz sý júrgizip jatyr

ALMATY. QazAqparat - Almaty óńirlik kommýnıkatsııalar qyzmetinde ótken brıfıngte Medeý aýdany ákimi Erjan Jylqybaev aýdannyń áleýmettik-ekonomıkalyq damýy týraly esep berdi, dep habarlaıdy QazAqparat tilshisi.

«Dýman» shaǵynaýdanynyń 30 myńǵa jýyq turǵyny 10 jyl boıy aýdanǵa sý jelisi men káriz júıesin júrgizýdi ótinip keledi. Bıyl osy jumystar qolǵa alyndy. Jyl sońyna deıin sýmen qamtý jáne káriz júıesi tolyq iske qosylady», - dedi aýdan ákimi Erjan Jylqybaev.

Odan bólek, bıyl aýdanda 100 aýla kúrdeli jóndeýden ótkizilip, 64 kóshede jaryqtandyrý júıesi, aryq júıeleri jóndelmek.

Bıyldyń ózinde shaǵynaýdanda 23 kósheniń jaryqtandyrý júıesi jańǵyrtylyp, 16 km jol jóndeldi. Uzyndyǵy 8,6 shaqyrym bolatyn trotýar jasaqtaldy.

Sonymen qatar, Ortalyq mádenı jáne demalys saıabaǵyn jóndeýge 1,6 mlrd teńge bólingen bolatyn. Aýdanda 140 aıaldama ornatyldy.