Almaty bıligi birqatar jer telimderin memleket qajettiligi úshin qaıtaryp alady

ALMATY. QazAqparat - Almaty ákimdigi memlekettik qajettilik úshin birqatar jer ýchaskesin májbúrli túrde tartyp alatyn boldy. Bul týraly ákimdiktiń qaýlysy «Vechernıı Almaty» gazetinde jarııalandy, dep habarlaıdy QazAqparat tilshisi.

«Atap aıtqanda, Jandosov kóshesin ary qaraı sozý úshin Naýryzbaı aýdanyndaǵy Jandosov kóshesiniń ıAssaýıdan Momyshuly kóshesine deıingi aımaqtaǵy jer ýchaskeleri men jyljymaıyn múlikter memleket qajettiligi úshin májbúrli túrde tartyp alynady. Odan bólek, jeńil relsti kólik jolyn tóseý úshin Almaly, Áýezov, Naýryzbaı aýdandaryndaǵy jerler men jyljymaıtyn múlikter májbúrli túrde alynady. Sonymen qatar, jol aıryǵyn salý maqsatynda Qulja tas joly men Medeý aýdanynyń Buqtyrma kóshesi qıylysyndaǵy, Túrksib aýdanyndaǵy jerler men jyljymaıtyn múlikter alynady», - dep jazylǵan jarııalanǵan qaýlyda.

Jerdi májbúrlep alý sharalary 2020 jyldyń 31 jeltoqsanynda bastalady.