Almaty bıligi avtobýstar sanyn nege arttyrmaı otyr
ALMATY. QazAqparat – «Almatyelektrotrans» tasymaldaýshy kompanııasy jolaýshylar sany kóp baǵyttarǵa qosymsha avtobýstar nelikten bólinbeıtinin túsindirdi, dep habarlaıdy QazAqparat tilshisi.
Kompanııa ókilderiniń aıtýynsha, avtobýs sany jaıly turǵyndar jıi shaǵymdanady.
«Kún saıyn «Almaty kólik holdıngi» AQ-ǵa árbir tranzaktsııa týraly aqparat túsedi. «Ońaı» júıesinde karta, SMS, QR-kod, júrgizýshiniń bıleti taǵy basqa aqparattar kórinedi. Tranzaktsııa sany qarjylyq aǵyndy baqylaý úshin ǵana emes, jolaýshylar aǵynyna taldaý jasaýǵa da múmkindik beredi. Mamandar jolaýshylar sany kóp tirkelgen jerde qosymsha avtobýs bólýge sheshim qabyldaıdy», - dedi tasymaldaýshy kompanııa ókilderi.
Keıbir baǵyttarda jolaýshy kóp bolǵanmen, tólem tranzaktsııasynyń sany az bolady.
«Máselen, №212 avtobýsta únemi adam kóp bolady. Biraq, tólem kólemi óte az. Al marshrýtqa avtobýs bólý úshin jolaýshylar sanynyń stastıstıkasy mańyzdy. Tek sol jaǵdaıda ǵana qosymsha avtobýs bólinedi, bolmasa syıymdylyǵy joǵary avtobýsqa aýystyrylady», - dedi «Almatyelektrotrans» AQ-dan.
