Almaty bıligi aryqtardyń nege qańsyp turǵanyn túsindirdi
ALMATY. QazAqparat – Almaty ákimdigi qaladaǵy aryqtardyń nege qańsyp bos turǵanyn túsindirdi. Almaty Qoǵamdyq keńesi bul týraly Jasyl ekonomıka basqarmasynan jaýap aldy, dep habarlaıdy QazAqparat tilshisi.
«Aryq jelilerin paıdalaný men jasyl jelekti sýarý boıynsha bıýdjettik baǵdarlamany aýdandyq ákimdikter júrgizedi. Aryqtarǵa sý taýdaǵy ózenderden keledi. Qazirgi tańda Esentaı men Qarasý ózenderiniń boıynda qaıta jańǵyrtý jumystary júrgizilip jatyr. Osyǵan baılanysty sý toqtatylǵan. Sonymen qatar Áýejaıdyń janyndaǵy kólde baspaldaq (pırs) salynyp jatyr. Sondyqtan, Kishi Almaty ózeniniń ańǵary jabyq tur. Odan bólek qalalyq Mobıldilik basqarmasynyń bastamasymen qaladaǵy barlyq aýdandarda 111 kóshe qaıta jasalyp jatyr.
Al Jasyl ekonomıka basqarmasynyń bastamasymen 57 kóshedegi uzyndyǵy 57 shaqyrym bolatyn aryq jelisi jóndelip jatyr. Sondyqtan bul kóshelerde de ýaqytsha sý aǵyp turǵan joq», - dedi «Aqparattyq resýrs ortalyǵy» qoǵamdyq qorynyń basshysy Altynaı Kóbeeva.
Munyń aldynda Feısbýktegi «Dejýrnyı po gorodý» tobynda qala turǵyndary aryqtardyń qańsyp turǵanyn aıtyp dabyl qaqqan bolatyn.
«Qalalyq ákimdikke suraq! Sizderge qalany keptirip, qańsytýǵa tapsyrma berildi me? Sý qaıda??!» - dep jazdy jeli qoldanýshylary.
