Almaty bılbordtarynda zoobaq janýarlarynyń sýreti jarııalanady
ALMATY. QazAqparat - Almaty qalalyq Mádenıet basqarmasy vedomstvolyq mekemelerdi jarnamalaý naýqanyn júrgizbek. Bul týraly basqarmanyń baspasóz hatshysy Rashıda Tylıvaldıeva aıtty.
Onyń aıtýynsha, qalalyq Mádenıet basqarmasynyń tól jobasy qaladaǵy mádenı oryndardy jarnamalaýǵa arnalǵan. Eń aldymen zoobaq turǵyndarynyń sýreti Almaty kóshelerin bezendirmek.
Odan keıin tsırk, ulttyq aspaptar mýzeıi, qýyrshaq teatry jarnamalanady.
«Adamdardyń kópshiligi qazir bos ýaqyttaryn saýda úılerinde, kınoteatrlardy ótkizýdi qalaıdy. Mundaı ımıdjdik jarnama arqyly biz qalamyzda túrli mádenı mekemeler bar ekendigin turǵyndar men qonaqtardyń esine salamyz. Ár kásiporynǵa bir jarnama agenttigi bekitilip berilgen. «Almaty jarnama», « RTS Deko» kompanııasymen yntymaqtastyqtyń arqasynda qalamyzdaǵy 300-ge jýyq bılbordta zoobaǵymyzdyń súıkimdi ańdaryn beınelenetin bolady», - dedi Rashıda Tylıvaldıeva.
