Almaty bılbordtarynda polıtseılerdiń sýreti jarııalanady
ALMATY. QazAqparat - Almatyda 23 maýsym polıtsııa kúni qarsańynda erlik kórsetken tártip saqshylarynyń sýretteri bılbordtarda jarııalanatyn bolady.
Erlik jasaǵan 10 polıtseıdiń sýreti 23 maýsymda kúni boıy kórsetilip turatyn boldy.
Bul týraly QazAqparat tilshisine qalalyq ІІD resmı ókili Saltanat Ázirbek aıtty.
«Táýelsizdik alǵaly beri Almaty polıtsııasynda 20-dan astam tártip saqshysy Memlekettik marapat alǵan. Olar qylmysty ashýda, adamdardy qutqarýda, qoǵamdyq tártipti saqtaýda erlik tanytyp, kózge túsken azamattar. Osyndaı 10 azamatty iriktep aldyq. Qalamyzda bılbordtardy árleýmen aınalysatyn kompanııamen birlese otyryp, arnaıy fotosessııa jumystaryn júrgizdik. El tynyshtyq úshin ter tógip jatqan batyrlaryn bilýi kerek», - dedi Saltanat Ázirbek.
Olardyń arasynda kapıtan Baımuhan Qýat bar. Polıtsııa qyzmetkeri janyp jatqan úıge óziniń serigimen birge oılanbastan qoıyp ketip, qarııalar men 2 balany aman alyp shyqqan.
Leıtenant Erkebulan Qarjaýbaev 7 qabattan sekirip ketpek bolǵan áıeldi qutqaryp qaldy. Polıtseı 8-qabattan 7-qabatqa arnaıy tross arqyly órmelep kirgen.
Polıtsııa aǵa serjanty Rýslan Nurǵojaev Seıfýllın kóshesinde jylý jelisi jarylǵanda ystyq sýburqaqtyń astynda qalǵan 20 jastaǵy jigitti qutqaryp qaldy. Polıtsııa qyzmetkeri aıaǵyn kúıik shalsa da ystyq sý toly shuńqyrǵa túsip er adamdy alyp shyqqan.
Jergilikti polıtsııa qyzmetiniń jol patrýldik polıtsııa polkiniń qyzmetkeri Rahmethan Hakımahýnov 3 jastaǵy qyzyn pyshaqtap, 5-qabattan laqtyram degen otaǵasyn zararsyzdandyrǵan bolatyn.
