Almaty bazaryndaǵy órt sóndirildi
ALMATY. QazAqparat - Almatydaǵy «Arlan» bazarynan shyqqan órt sóndirildi, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń málimetinshe, oqıǵa ornynda jeke quramnyń 60-tan astam qyzmetkeri, 16 tehnıkasy men qalanyń ózara is-qımylynyń búkil kúsh-quraldary jumyldyryldy.
«Órt sóndirý jumystaryna konteınerlerdiń tyǵyz ornalasýy kedergi týdyrdy. Konteınerlerdi ashý úshin arnaıy apattyq-qutqarý quraldary qoldanyldy. Qabyldanǵan jedel sharalardyń arqasynda kúrdeli órttiń taralýy 18:40-ta toqtatylyp, 18.54-te tolyq joıyldy», - dedi Almaty qalalyq Tótenshe jaǵdaılar departamentiniń baspasóz qyzmetinen.
Eske sala keteıik, Almatynyń «Arlan» bazary búgin keshke qaraı otqa oranǵanyn habarlaǵan bolatynbyz.
«Oqıǵa ornynda jedel shtab qurylyp. Órtti sóndirýge, sondaı-aq japsarlas konteınerlerdi qorǵaýǵa órt oqpandary engizilip, sýdyń úzdiksiz berilýi qamtamasyz etildi»,- delingen edi vedomstvodan.
Foto: Almaty qalalyq TJD
