Almaty bazaryndaǵy órt kezinde 7 dúńgirshek janyp ketti
ALMATY. QazAqparat - Almatyda «Samal» bazarynyń saýda dúńgirshekterinen shyqqan órt sóndirildi, dep habarlaıdy QazAqparat qalalyq TJD baspasóz qyzmetine silteme jasap.
«4 jeltoqsan, kúndizgi saǵat 13:03-te Almaty qalalyq 101 dıspetcherlik qyzmetine Jetisý aýdany, Soltústik sheńberde ornalasqan «Samal» bazaryndaǵy «Sabyrjan» sýpermarketine japsarlas salynǵan saýda oryndarynyń órtenip jatqany týraly habar kelip tústi. Belgili bolǵandaı, tilsiz jaý 150 sharshy metr aýmaqty jaramsyz etken. Órt túski 14:01-de aýyzdyqtalyp, 14:18-de sóndirildi. Tótenshe jaǵdaıdan eshkim zardap shekken joq. Biraq, órtten 9 dúńgirshek jaramsyz bolyp qaldy. Onyń ishinde 7 dúńgirshek túgi qalmaı órtenip ketti», - dedi qalalyq TJD baspasóz hatshysy Sandýǵash Baımuhambetova.
Onyń aıtýynsha, tótenshe jaǵdaımen kúresýge 63 adam, 17 tehnıka jumyldyrylǵan.
Aıta ketý kerek, búgin túnde Almaty oblysyndaǵy «Aşybulaq» qurylys bazarynda 43 konteıner janyp ketken bolatyn.
