Almaty bazaryndaǵy órt kezinde 4 kásipkerdiń múlki búlindi

ASTANA. QazAqparat – Almaty bazaryndaǵy órt kezinde 4 kásipkerdiń múlki búlindi. Jergilikti kásipkerler palatasy órtten zardap shekken bızneske qor ashýǵa daıyn. Bul týraly «Atameken» UKP qoǵammen baılanys departamentinen málim etti, dep habarlaıdy QazAqparat.

Palatanyń málimetinshe, bazardaǵy órt kezinde 4 kásipkerdiń taýarlary, atap aıtqanda jańa jylǵa arnalǵan shyrshalar, gırlıandylar, kosmetıka, 8 naýryzǵa arnalǵan syılyqtar men oıynshyqtar búlingen.

Almaty qalasynyń ÓKP qyzmetkerleri kásipkerlermen únemi baılanysta, zalal somasy belgilenip jatyr. ÓKP dırektory Aıtýar Qoshmambetovtyń aıtýynsha órt elektr symdarynyń qysqa tuıyqtalýynan bolǵan.

«Eger bızneske konsýltatsııalar, saqtandyrý tólemderi, jalǵa berýshilermen kelissózder júrgizý boıynsha qandaı da bir kómek qajet bolsa, bizdiń mamandar bul jumysqa qosylýǵa, qyzmetkerlerdiń quqyqtaryn qorǵaý bóliginde quqyqtyq, qarjylyq sıpattaǵy konsýltatsııalar berýge daıyn. Qajet bolsa, biz qarajat jınaýǵa daıynbyz», - deıdi ol.

Eske salsaq, búgin Almatydaǵy «baraholka» órtendi.

Almaty qalalyq tótenshe jaǵdaılar departamentiniń habarlaýynsha, kúrdeli órt 1 saǵat 9 mınýt ishinde sóndirildi. Qyzyl jalyn 1,5 myń sharshy metr aýmaqty sharpydy.